Umano'y POGO-Pharmally link, isiniwalat si Sen. Hontiveros

Nanawagan si Sen. Risa Hontiveros na sumuko na si suspended Bamban Mayor Alice Guo sa gitna ng patuloy na paghahanap ng Senate Sergeant at Arms para maisilbi ang arrest order.

Kasabay nito’y isiniwalat din ni Hontiveros ang nakuha niyang impormasyon mula sa Anti-Money Laundering Council #AMLC na nag-uugnay umano kay Guo sa isang Hongjiang Yang na umano’y kapatid ni Michael Yang.

Base umano sa records ng AMLC, nagkaroon ng direktang transaksyon ang kumpanya ni Guo na Baofu sa joint account ng dalawanng tao — si Yu Zheng Can na incorporator ng Hong Sheng, ang Philippine offshore gaming operator #POGO na ni-raid sa Bamban, Tarlac, at si Hongjiang Yang.

Incorporator din umano ng Full Win Group of Companies si Hongjiang Yang at isang Gerald Cruz. Si Yang ang nagmamay-ari umano ng Full Win, habang si Cruz ay incorporator ng Pharmally Biological.

Matatandaang ang Pharmally Biological ay sister company ng Pharmally Pharmaceutical na sangkot sa umano’y overpriced na #COVID19 supplies na binili ng nakaraang administrasyon.

Nauna nang sinabi ng abogado ni Yang na si Atty. Michael Fortun na walang kinalaman ang kaniyang kliyente sa mga POGO. #News5 via Maeanne Los Baños-Oroceo

Follow News5 and stay updated with the latest stories!

https://www.facebook.com/News5Everywhere
https://twitter.com/News5PH
https://www.instagram.com/news5everywhere/
https://www.tiktok.com/@news5everywhere
https://www.news5.com.ph