Sumagot si Sen. Risa Hontiveros sa naging pahayag ni suspended Bamban, Tarlac Mayor Alice Guo para ipaliwanag ang hindi niya pagdalo sa mga pagdinig ng Senado ukol sa POGO sa bansa.

Buwelta ng senadora, paano magkakaroon ng peace of mind si Guo kung palagi siyang umiiwas sa mga tanong.

Sa inilabas na statement sa kaniyang Facebook page, sinabi ng alkalde na ang prayoridad niya ay ang kaniyang kalusugan at peace of mind, pero handa naman aniya siyang humarap sa mga akusasyon laban sa kaniya basta’t patas ang paglilitis at nasa tamang forum.

Kinuwestiyon din niya kung bakit tila pinag-iinitan siya ng mga senador.

“I am deeply concerned about and keep questioning why Senator Win Gatchalian, Senator Risa Hontiveros, and the other offices seem fixated on me. If they have evidence against me, I am ready to face them in a fair trial and at a proper forum,” ayon kay Guo.

“Nagsisinungaling ka tungkol sa koneksyon mo sa POGO, nagsinungaling ka tungkol sa pagkatao mo, at kada log-in mo sa Facebook, may bago ka na namang iniimbento. Huwag kayong mag-alala, hindi kami fixated sa’yo. Allergic lang kami sa mga sinungaling,” sagot ni Sen. Hontiveros. #News5

Follow News5 and stay updated with the latest stories!

https://www.facebook.com/News5Everywhere
https://twitter.com/News5PH
https://www.instagram.com/news5everywhere/
https://www.tiktok.com/@news5everywhere
https://www.news5.com.ph

Take the opportunity to connect and share this video with your friends and family if you find it useful.