Rep Castro, nagbigay ng reaksyon sa pagbibitiw ni VP Duterte sa Gabinete

/”Red-tagging queen./”

‘Yan ang paglalarawan ni House Deputy Minority Leader at ACT Teachers Rep. France Castro sa aniya’y legacy ni Vice Pres. Sara Duterte bilang vice chairperson ng National Task Force to End Local Communist Armed Conflict #NTFELCAC.

Kasunod ito ng pag-anunsyo ni Duterte kaugnay sa pagbibitiw niya sa Gabinete ni Pres. Bongbong Marcos.

Ayon kay Castro, nakita umano sa pamumuno ng bise ang pangre-red-tag maging sa mga kongresista ng Makabayan bloc at mga lider ng iba’t ibang progresibong organisasyon.

“Sa akin, inevitable din ang pagre-resign niya kasi nakita naman natin ang opposing na mga posisyon niya with regards to the mga posisyon ng Marcos administration. Kung hindi siya nag-o-oppose, tahimik lang siya,” saad ni Castro.

Ayon kay Castro, maaaring inisip ni Duterte na hindi na masaya ang administrasyong Marcos sa presensya niya sa Gabinete. Dagdag niya, mas mabuting nagbitiw na ang bise presidente kaysa siya ang tinanggal sa pwesto.

“Tingin niya siguro, hindi na masaya ang Marcos administration sa presence niya. Mabuti nga inunahan niya ng pagre-resign, baka mas malala pa kung siya ay tinanggal sa pwesto dahil siya naman na ang nagsabi na wala na ang kanilang unity,” ani Castro.

Umaasa naman si Castro na magtatalaga ang Pangulo ng isang kalihim ng Department of Education #DepEd na may malasakit sa mga guro at solusyon sa education crisis. #News5 via Marianne Enriquez

For more latest stories, visit us at www.news5.com.phFollow News5 and stay updated with the latest stories!

https://www.facebook.com/News5Everywhere
https://twitter.com/News5PH
https://www.instagram.com/news5everywhere/
https://www.tiktok.com/@news5everywhere
https://www.news5.com.ph