Sinabi ng Presidential Anti-Organized Crime Commission (PAOCC) sa pagdinig ng Kamara hinggil sa POGO sa bansa ngayong Martes, July 23 na base sa kanilang inisyal na impormasyon, hindi umano Pilipino si Cassandra Lee Ong na sangkot sa ni-raid na POGO hub sa Porac Pampanga.

Kasunod nito, sinabi ni Rep. Dan Fernandez mahalaga na malaman ang identidad ni Ong.

Inatasan niya ang Philippine Statistics Authority (PSA) at Bureau of immigration para malaman kung ilan ang birth certificate ni Ong at kung Philippine passport o Chinese passport ba ang kaniyang ginamit sa paglabas-masok sa Pilipinas.

Ayon kay Rep. Fernandez, naniniwala siya sa kanilang imbestigasyon na kung saan marami na silang nadiskubre na Chinese na nagpapanggap na Pilipino upang makapagmay-ari ng property sa bansa.

“Kung hindi siya Pilipino, ‘yung pagbebenta nina Roberto Cruz dito kila Cassandra Ong sa korporasyon is illegal. So hindi na nila pag-aari ‘yun. In other words itong korporasyon na ito, hindi nila pag-aari ‘yan because they bought it illegally,” aniya. #News5

Follow News5 and stay updated with the latest stories!

https://www.facebook.com/News5Everywhere
https://twitter.com/News5PH
https://www.instagram.com/news5everywhere/
https://www.tiktok.com/@news5everywhere
https://www.news5.com.ph

Take the opportunity to connect and share this video with your friends and family if you find it useful.