#News5OnTape Para kay Senate Pres. Chiz Escudero, walang karapatan si suspended Bamban Mayor Alice Guo na pagsabihan ang sinuman sa Senado kung ano ang dapat na prayoridad nila.

Kasunod ito ng bagong pahayag ni Guo sa social media na tila pinag-iinitan siya nina Sen. Risa Hontiveros at Sen. Win Gatchalian.

Naniniwala si Escudero na tila walang balak magpakita si Guo sa Senado na aniya’y senyales na may itinatago umano siya at umiiwas sa tanong ng mga senador.

Naglabas na ng arrest order laban kay Guo ang Senado para padaluhin siya sa mga pagdinig ukol sa Philippine offshore gaming operators #POGO.

Hindi pa rin nahahanap ang alkalde kaya’t ipinag-utos na ni Escudero sa Senate Sergeant at Arms na makipag-ugnayan sa ibang ahensya.

Hindi naman umano magugulat kung totoo ang teorya ni Sen. Gatchalian na nakalabas na ng bansa si Guo gamit ang kaniyang Chinese passport. #News5 via Maeanne Los Baños-Oroceo

Follow News5 and stay updated with the latest stories!

https://www.facebook.com/News5Everywhere
https://twitter.com/News5PH
https://www.instagram.com/news5everywhere/
https://www.tiktok.com/@news5everywhere
https://www.news5.com.ph

Take the opportunity to connect and share this video with your friends and family if you find it useful.