Hinangaan ng netizens ang pagpapasiklab ng 9-anyos na si Jared Japheth Moral sa pagyo-yo-yo. Dahil sa pagkakauso ng laruang lato-lato ay isang /”refresher/” anila ang makakita ng bata na magaling mag-yo-yo.
Kung ang netizens ay labis ang paghanga kay Jared, hindi rin naiwasan ng magkakaibigang kumuha ng video mula Sto. Tomas City, Batangas na humanga sa bawat bitaw ni Jared ng yo-yo tricks.
/”Nakatambay lang po kami sa basketball court tapos po dumating siya, may dalang yo-yo. Tapos [tinanong] po namin kung kaya niyang mag-tricks. Tapos ‘yun po, namangha po kami,/” kuwento ng uploader ng video na si Jc Pitogo.
Dagdag pa ni Jc, 7-taong gulang pa lang ay natuto na si Jared mag-yo-yo dahil sa panonood niya sa iniidolo niyang yo-yo champion na si Macky Profeta sa TikTok.
Todo suporta naman ang mga magulang ni Jared nang malamang viral ang kanilang anak. Ipinagmalaki pa ng kaniyang ama na si Glenn Moral na nag-champion ang kaniyang anak sa sinalihan niyang patimpalak. #News5 #News5Exclusive
Follow News5 and stay updated with the latest stories!
Facebook: facebook.com/News5Everywhere
Twitter: twitter.com/News5PH
Instagram: @news5everywhere
Tiktok: https://www.tiktok.com/@news5everywhere
Website: news5.com.ph
Fastest update at www.pinoynetwork.su. Keep checking back for fresh new videos uploaded everyday.
